«Hunden på skjeret»

Hunden frå Åse

Fri, 29 May 2015 09:53:09 +0200

Reidar Berntsen:

Ein hund som vart borte på Åse, skulle koma ut i holo - vis a vis Hundholmen. Dagane gjekk, men ingen hund var å sjå.
Då vart det sett opp ein hund på holmen. Han ser rett mot holo. Og ventar og ventar og ventar....

Hundholmen

Wed, 27 May 2015 10:07:48 +0200

Hundholmen eller Hundaskjeret der hunden står. Denne vart sett opp for ca 30 år sidan, og vart laga av folk på Nordhordland Kraftlag som hadde verkstad på kaien i Alversund. Den første hunden vart truleg sett opp i 1946

Hunden på skjeret

Tue, 26 May 2015 11:03:52 +0200

Bjarte Alver

Ein mann forliste på holmen. Han hadde med seg ein hund som gjødde og gjødde
heilt til folk høyrde det og kom til unnsetning.
Då vart «hunden» sett opp.

Hunden på skjeret

Mon, 25 May 2015 16:17:27 +0200

Berit Dale Øgaard:

Historia eg har høyrt er at ein hund forsvann i ei ur - ei hole inne på Hjelmåskanten
Denne hunden dukka opp på skjeret i Alversund ei stund (nokre dagar?) etterpå.
Folk meinte at han hadde gått inn i hola der inne - og hadde «fri ferdsel» til Alversund

Sat, 23 May 2015 12:19:25 +0200

Petter Fosse:
Har ei historie om hunden som onkelen min – Haakon Daae – fortalde meg då eg var svært ung. Han var jo oppvaksen på Tveiten.
På fastlandet, rett ovarfor Hundeskjeret, er inngangen til ei lita gruve frå ein gong det vart leita etter jernmalm, som ikkje vart nokon suksess. Ein hund skal ha gått inn i den hola eingong, og aldri blitt sett meir. Hunden på skjeret er altså plassert slik at den «ser» mot denne hola.

Liknande holer, men noko større - er å finne på austsida av Tveitøya. Der var vi inne ein gong, onkel og eg.

Ei anna historie eg har høyrt, er at Hunden på Skjæret vart sett opp som minne om ein hund som drukna i Sundet.